TITORIAL BLOGUER- Loli

    Esta é a presentación que vimos pola tarde. Como estaba en power point, para subila aquí empreguei a ferramenta  ISSUU (+) seguindo estos pasos:

• (para ter unha biblioteca en issuu tedes que rexistrarvos e abrir unha conta)
• primeiro gardei a ppt como pdf...

subina  á miña biblioteca  issuu (my library): upload- browse.... (ver diapositiva)

cando apareceu publicada en my library abrina e copiei o código na opción embed ...

e pegueino aquí (clicando antes na pestana HTML)

SOBRE OS BLOGUES DE AULA

    Aínda que o expliquei todo xunto e "daquela maneira", en realidade abrir un blog de aula é doado (como vos dixen son tres pasos), logo xa nos podemos complicar todo o que queiramos:

• Podemos poñer só a páxina principal ...ou ocupalas todas ( de momento bloguer permite unhas 20)
• Podemos contar só experiencias puntuais ... ou meter todos os recursos que se nos ocurran ... e que estemos usando (meter por meter tampouco é necesario)
• Podemos usalo para contar o día a día da aula. É parecido a ter un repositorio de recursos da nosa aula. Sobre todo cos máis pequenos sirve para que na casa  sepan algo máis do que se fai nas aulas de infantil: moi útil cos de tres, tendo en conta que moitos entran sen falar (polo menos un idioma coñecido ou intelixible...). Como moito do que facemos en infantil non está plasmado en papel ou "ficha", o blogue serve de apoio visual cando os papás lles preguntan eso tan bonito de:     

      -"e hoxe que fixeches no cole? 

      -resposta: xogar!

      -a que?

      -a plastiliiina!

      -e fixeches algo máis?

      -resposta de novo : xogar!

      - ¿¿¿e  nada máis???"   Pois bueno, o blogue intenta aclarar algunhas destas  preguntas ... máis ou menos   

UNHA COUSA SOBRE O EDITOR

(+) ISSUU. Clicando arriba en esta palabra vemos unha posibilidade do editor da que non falamos, o enlace para crear un vínculo coa páxina de internet que lle digamos.

Pasos:

• Seleccionar a palabra  que nos interese (neste caso ISSUU)
• con ela seleccionada, clicar na barra do editor onde pon Enlace
• ábresenos unha pestana que nos pide o enderezo co que nos interesa vincularnos (é igual que cando creamos hipervínculos) 
• pegamos no recadro o enderezo url, neste caso puxen o que nos permite crear unha conta en issuu. Pero podemos enlazar a palabra con unha imaxe, un video, con outro blog ...


• E xa está feito o enlace. Normalmente cámbianos a cor da palabra cando abrimos a entrada xa publicada. Nas opcións de deseño e configuración podemos escoller previamente de que cor queremos que nos aparezan as palabras que teñen enlaces: igual que a cor das pestanas o borde das imaxes, o tipo e tamaño de letra (que poden ser diferentes nas entradas e nos textos que metemos nos gadgets) etc...

UNHA COUSIÑA MÁIS: CANDO ABRADES O VOSO BLOGUE, SEMPRE É MELLOR ESTABLECER DESDE O PRINCIPIO O DESEÑO  QUE QUEREMOS, XA QUE, AÍNDA QUE SEMPRE O PODEMOS CAMBIAR, LOGO VAINOS A MODIFICAR AS ENTRADAS QUE XA TEÑAMOS METIDAS.

Para abrir un blogue: tres pasos (MOI  FÁCIL...)
para deseñalo: a imaxinación e a curiosidade de cada un (TODOS IMOS SOBRADOS...)
só para mantelo fai falta TEMPO... 
(en Finlandia seique os nenos asisten a clase 1300 horas menos
que os españois entre os 7 e os 14 anos...)
(imos sacar o tempo para os blogues de ahí ... en Finlandia!)